தென்மராட்சி வரணி கரம்பைக்குறிச்சி மேற்கில் வசிக்கும் சிவபாதசுந்தரம் நந்தினி என்பவர் மூலம் தனது மகளாகிய 15 வயதும் 8 மாதமும் உடைய சிவபாத சுந்தரம் தனிஜா என்பவர் காணாமல் போனது தொடர்பில் கொடிகாமம் பொலிஸ் நிலையத்தில் முறைப்பாடு செய்யப்பட்டது.
இம்முறைப்பாட்டிற்கமைய சாவகச்சேரி நீதவான் நீதிமன்றில் அறிக்கை சமர்ப்பிக்கப்பட்ட பின் பாதிக்கப்பட்ட சிறுமி , மற்றும் குறித்த சிறுமியைக் கடத்திச் சென்ற சந்தேகநபரான கமலேஸ்வரன் துஸ்யந்தன் என்பவர் கொடிகாமம் பொலிசாரால் கைது செய்யப்பட்டு இருவரும் நீதிமன்றில் முற்படுத்தப்பட்டனர்.
மன்றில் முற்படுத்திய பின்னர் குறித்த சிறுமி திண்ணைவேலி முத்துத்தம்பி சிறுவர் இல்லத்திற்கு அனுப்பி வைக்கப்பட்டார். அங்கிருந்து கடந்த 18.03.2019 அன்று அனுமதியின்றி வெளியேறியுள்ளார்.
இந்த சிறுமி தொடர்பான தகவல் கிடைத்தால் கொடிகாமம் பொலிசாருக்கு (0212050222) தகவல் வழங்குமாறு கேட்டுக்கொண்டுள்ளனர்.
No comments:
Post a Comment