வறுமை கரணமாக வரணிப்பகுதியில் உயிரிழந்தார் இளைஞர்!!!

தென்மராட்சி  வரணி, இடைக்குறிச்சிப் பகுதியில் நேற்று (25) குளத்தில் மூழ்கி இளைஞர் ஒருவர் உயிரிழந்துள்ளார்.

வலிப்பு நோயாளியான குறித்த இளைஞர் நேற்று மாலை வீட்டிற்கு முன்னால் உள்ள குளத்தில் நீர்  எடுக்க சென்ற  போது வலிப்பு ஏற்பட்டு உறுண்டு சென்று குளத்தில் மூழ்கி உயிரிழந்துள்ளார் எனத் தெரிவிக்கப்படுகிறது.




வரணி இடைக்குறிச்சியில் வசித்துவரும் 34 வயதான  கந்தையா சுதன் என்பவரே குறித்த அனர்த்தத்தில் உயிரிழந்தவராவார்.

குறித்த இளைஞரே கூலித்தொழில் செய்து தமது குடுப்பத்தை பார்த்து வந்தார்.
மிகவும் வறுமையின்  பிடியில் நெடுங்காலமாக இருக்கும் இவர்களின் தந்தை குடும்பத்தாருடன் கோபித்துக்கொண்டு தனது சொந்த ஊரில் வாழ்ந்து வருவதாகவும் தெரியவருகிறது.

வறுமையின் காரணத்தால் தமது நீர் தேவைக்காக கூட  கிணறு இல்லாத நிலையில்  குளத்தில் நீர் எடுப்பதற்கு சென்றே குறித்த இளைஞர் உயிரிழந்துள்ளார். அத்துடன் இவரது சகோதரர்களும் ஊனமுற்ற நிலையில்  இருப்பதும்  குறிப்பிடத்தக்கது.