வரணி கரம்பைக்குறிச்சி பாடசாலையில் இன்று கல்விக் கண்காட்சி

வரணி கரம்பைக்குறிச்சி அரசினர் தமிழ் கலவன்  பாடசாலையில் இன்று (18) மாணவர்களின் ஆக்கங்களில் கல்விக் கண்காட்சி சிறப்பான முறையில் ஆரம்பமாகியுள்ளது.

இந்நிகழ்வானது காலை 9.00 மணிக்கு ஆரம்பமாகி மாலை 3.00 மணி வரை பாடசாலை பிரதான மண்டபத்தில் இடம்பெறுகின்றது.

பாடசாலை அதிபர் திரு க.இளங்கோவன் தலைமையில் இடம்பெற்ற இந்நிகழ்வில் பிரதம விருந்தினராக பிரதிக்கல்விப் பணிப்பாளர் (கல்விமுகாமைத்துவம்) தென்மராட்சி கல்வி வலயம்  அ. பிரேமதாஸ் அவர்களும், சிறப்பு விருந்தினராக உதவிக்கல்விப் பணிப்பாளர் (ஆரம்பக்கல்வி) தென்மராட்சி கல்வி வலயம் திரு சோ. திருக்குமரன் அவர்களும் ஆசிரிய ஆலோசகர் (ஆரம்பக்கல்வி) ந. திருவாசகம் அவர்களும் கலந்து கொண்டு சிறப்பித்திருந்தனர்.

 மேலும் இந்நிகழ்வில் ஆசிரியர்கள், மாணவர்கள், பெற்றோர்கள், ஊர்மக்கள்  எனப்பலரும்  கலந்து கொண்டு மாணவர்களின் தரமான ஆக்கங்களைப்  பார்வையிட்டுள்ளமையும் குறிப்பிடத்தக்கது.